Monqolustan Böyük Britaniyadan mədəniyyət nümunələrini tələb edib
Monqolustan Britaniya və digər ölkələri bəzilərinin iki min ildən çox keçmişə aid yüzlərlə mədəni əsərin repatriasiyasını tələb edib.
Bu barədə Reuters xəbər verib.
Monqolustan hökumətinin bəyanatında deyilir ki, əsas artefaktlar arasında Monqolustanın ilk baş nazirinin Çinin Mançu sülaləsindən müstəqilliyini elan edən məktubu var və bu məktub hazırda Londonda Britaniya Kitabxanasında saxlanılır. Bununla belə XIII-XIV əsrlərdə İranın bir neçə monqol hökmdarının saraylarında işləmiş fars dövlət xadimi Rəşid əd-Dinlə bağlı əşyalar Edinburq muzeyində saxlanıldığı da vurğulanıb.
Monqolustan mədəni sərvətlərinin qaytarılmasında müəyyən irəliləyiş əldə edib. Belə ki, bu ilin əvvəlində ABŞ Monqolustandan götürülmüş dinozavr qalıqlarını, o cümlədən 70 milyon il əvvəl yaşamış Tyrannosaurus rex-in daha kiçik versiyası olan Alioramusun kəlləsini geri qaytarıb.
Keçən həftə Rusiyada keçirilən forumda Monqolustan Mədəniyyət naziri Nomin Çinbat da Moskvadan bir əsr əvvəl tədqiqat və bərpa üçün Rusiyaya göndərilmiş artefaktların, o cümlədən 2000 il əvvəl Xiongnu sülaləsinə aid artefaktların müəyyən edilərək geri qaytarılmasında kömək istəyib.
