Tramp 10 min dollar cərimələndi
Donald Tramp jurnalistlərlə söhbətində məhkəmə katibini “qərəzli” adlandıraraq, məlumatı açıqlamamaq müqaviləsini pozub. Trampın müdafiə komandası bu şərhin başqasına yönəldiyini təkid edib.
Çərşənbə günü fırıldaqçılıq üzrə məhkəmə prosesində fasilə zamanı Donald Tramp jurnalistlərə, “Bu hakim çox qərəzlidir və onun yanında çox qərəzli bir adam oturub. Bəlkə də özündən daha qərəzlidir” sözlərini deyib.
Reuters xəbər verir ki, hakim Artur Enqoron sözügedən şəxsin məhkəmə katibi olduğu qənaətinə gəlib. O, bunu Trampın məhkəmə məmurları haqqında təhqiramiz ifadələr söyləməsinə mane olan əmrin "kobud" pozulması adlandırıb. O, sabiq prezidentə 10 min dollar cərimə kəsib.
Trump-ın müdafiəsi iddia edib ki, Trump-ın dedikləri siyasətçinin əleyhinə ifadə verən keçmiş vəkili Maykl Kohenə aiddir. Amma Enqoron bu arqumentdən razı qalmayıb və cəriməni qüvvədə saxlayıb: "Gələcəkdə bunu bir daha etmə, yoxsa daha da pisləşəcək" deyə hakim vurğulayıb.
Tramp ikinci dəfədir ki, məlumatı açıqlamamaq vədini pozur.
Xatırladaq ki, keçən həftə Engoron siyasətçini seçki kampaniyasının saytından məhkəmə işçisi haqqında aşağılayıcı yazını silmədiyinə görə 5 min dollar cərimələyib.
