Məşhur mumiya Xuanitanın kompüter vasitəsilə büstü yaradılıb
15-ci əsrdə And dağlarının zirvəsində ritual üçün qurban verilən Perunun ən məşhur mumiyası Xuanitanın büstü kompüterin köməyi ilə üzünün yenidən yaradılması sayəsində hazırlanıb.
Peru və Polşa alimləri qrupunun isveçli arxeoloq və heykəltəraş Oscar Nilsson ilə birgə apardığı iş nəticəsində yaradılmış büst Santa Maria Katolik Universitetinin And ziyarətgahları muzeyində keçirilən mərasimdə nümayiş etdirilib.
Silikondan hazırlanmış büstü qabarıq yanaq sümükləri, qara gözləri və qaralmış dərisi olan gənc qadını təsvir edir.
“İnka Buzlu Qız” kimi tanınan Juanita adlı mumiyanı tapan amerikalı antropoloq Yohan Reynhard, sağ ikən onun üzünün necə göründüyünü heç vaxt bilməyəcəyini düşünürdüyünü qeyd edib.
Qeyd edək ki, Reynhard Xuanitanı 1995-ci ildə qarla örtülü Ampato vulkanında 6 min metr yüksəklikdə aşkar edib.
Facializasion mütəxəssisi isveçli arxeoloq və heykəltəraş Oscar Nilsson Xuanitanın üzünün modelləşdirilməsinin təxminən 400 saat çəkdiyini bildirib.
Varşava Universitetinin And Tədqiqatları Mərkəzinin polşalı bioarxeoloqu Daqmara Soça mərasimdə bildirib ki, Xuanitanın üzünü əldə etmək üçün ilk addım kəllə sümüyünün nüsxəsini hazırlamaq olub.
Santa Maria Katolik Universitetindən verilən açıqlamada üz-üzə prosesdə etnoloji xüsusiyyətlər, yaş və dəri rəngi nəzərə alınaraq bədən taramaları və DNT analizlərindən istifadə edildiyi bildirilib.
Antropoloji araşdırmalara görə, Xuanita 1440-1450-ci illər arasında, 13-15 yaşında olarkən qurban edilmişdir.
And dağlarında ritual üçün qurban kəsilərkən boyu 1,40 metr, çəkisi 35 kiloqram olduğu müəyyən edilən Xuanitanın ölüm səbəbinin beyninin oksipital lob deyilən hissəsinə aldığı ağır zərbə olduğu müəyyən edilib.
Peru, İnka İmperiyasından əvvəl və sonra çiçəklənən müxtəlif sivilizasiyalara aid yüzlərlə arxeoloji sahəyə ev sahibliyi edir.
