Kosovo baş naziri: "Serbiya ərazimizi ilhaq etmək üçün hərbi planlar üzərində işləyir"
Kosovo Baş naziri Albin Kurti Serbiyanın regional əməkdaşlığa həvəsli olmadığını vurğulayaraq, "Bir həftə əvvəl gördüyümüz kimi, Serbiya ərazimizi ilhaq etmək üçün hərbi planlar üzərində işləyir" ifadələrini işlədib.
Kurti Priştina Siyasi Araşdırmalar İnstitutunun (PIPS) təşkil etdiyi “Berlin Prosesi: İndiyə qədər əldə edilən nailiyyətlər, Qarşıdakı Zirvədən Gözləntilər və Ümumi Bazar üçün Regional Təşəbbüslərin Mümkün Faydaları” adlı paneldə gündəm və regional əməkdaşlıq imkanları ilə bağlı açıqlamalar verib.
Qərbi Balkanlardakı altı ölkənin real regional əməkdaşlığa və iqtisadi inteqrasiyaya sahib olması üçün demokratiya yolunda irəliləməsi lazım olduğunu ifadə edən Kurti, “Biz Brüsseldə dialoq masasına oturarkən və Berlin Prosesi Zirvəsinə çatmaq üçün bir araya gəldik. Bir həftə əvvəl "Gördüyümüz kimi, Serbiya ərazimizi ilhaq etmək üçün hərbi planlar üzərində işləyir. Bu, şimal qonşumuzun AB üzvlüyü üçün regional əməkdaşlığa həvəsli olmadığını göstərir" sözlərini deyib.
Serbiyanın davranışlarına görə məsuliyyət daşıması lazım olduğuna diqqət çəkən Kurti, Kosovo hökumətinin tərəflərin bərabərliyi və Avropa standartlarına söykənməli olan regional əməkdaşlıq mövzusunda dəqiq bir mövqeyi olduğunu ifadə edib.
Kurti, Kosovonun Berlin prosesi çərçivəsində bölgə ölkələrinin əldə etdiyi 3 regional razılaşmanı bəyəndiyini, lakin razılaşmaların bəzi ölkələr tərəfindən bəyənilməməsinin təəssüf doğurduğunu bildirib.
