Avropa İttifaqı Ukraynanın bütün ərazisini azad etmək imkanına şübhə ilə yanaşır
Avropa İttifaqının hərbi rəhbərliyi Ukraynanın Rusiya tərəfindən işğal olunmuş bütün ərazilərinin azad edilməsinin mümkünlüyünə şübhə ilə yanaşır.
AFN.az xarici mediaya istinadən xəbər verir ki, Aİ-nin Hərbi Məsələlər Komitəsinin (EUMC) sədri general Robert Briger Die Welt qəzetinə müsahibəsində deyib: “Ukraynanın tam suverenliyini əlində olan vasitələrlə bərpa etməyin mümkün olub-olmaması sual altındadır”.
Onun sözlərinə görə, Ukraynanın iyun ayından davam edən əks-hücum əməliyyatı hələ də ciddi nəticə verməyib. "Mən həmçinin Ukrayna qoşunlarının Rusiyanın müdafiə xətlərini yarması ilə bağlı proqnozlardan ehtiyat edərdim", - Briger əlavə edib. - "Hücum üçün Kiyevdə mövcud olan briqadaların sayı azdır. Digər tərəfdən, Rusiyanın sıx və yaxşı möhkəmləndirilmiş müdafiə xətləri yaratmaq üçün ayları var idi" - deyə general qeyd edib.
Aİ-nin hərbi məsələlər üzrə komitəsinin rəhbəri hazırkı vəziyyəti qalibin müəyyənləşdirilməsinin mümkünsüz olduğu sökülmə müharibəsi hesab edir.
Onun fikrincə, Rusiya Ukraynada “çox uzun müddət” müharibə aparmağa qadirdir və Qərbin sanksiyaları Moskvanın hərbi imkanlarına o qədər də təsir etməyib. “Bundan əlavə, Rusiyanın böyük silah kütləsi və nəhəng potensial kadr ehtiyatı var”, - deyə general əlavə edib.
