CNN: Əks-hücum Ukrayna və Rusiya üçün ağır sınaqdır
AFN.az xəbər verir ki, bu haqda Qərbdəki yüksək rütbəli hərbi mənbələr CNN-ə bildiriblər. "Əks-hücum heç bir cəbhədə gözləntiləri doğrultmur" - deyə mənbələrdən biri qeyd edib.
Qərbin qiymətləndirmələrinə görə, Rusiyanın müdafiə xətləri yaxşı möhkəmləndirilib və bu, Ukrayna qüvvələrinin onları keçməsini çətinləşdirir. Bundan əlavə, Rusiya qoşunları raket zərbələri və minalarla Ukraynanın zirehli texnikasının qarşısını uğurla alır, həmçinin hava gücündən daha səmərəli istifadə edir.
Bildirilib ki, Ukrayna qüvvələri minalanmış sahələrə qarşı həssas, Rusiya qüvvələri isə onları qorumaqda bacarıqlıdır.
Bununla belə, əks-hücum hələ ilkin mərhələdədir və ABŞ və onun müttəfiqləri Ukrayna qüvvələrinin zamanla ərazi uğurları əldə edə biləcəyinə dair nikbindirlər. Son bir neçə həftə ərzində tədricən başlayan və müharibədə kimin qalib gələcəyini müəyyən etmək üçün həlledici hesab edilən əks-hücumun gedişatını daha dolğun qiymətləndirmək üçün çox güman ki, ən azı iyul ayına qədər gözləmək lazım gələcək.
Bundan əlavə, mənbələr qeyd edirlər ki, Ukrayna qoşunları özləri də Rusiyanın taktikasına və müdafiəsinə uyğunlaşır, o cümlədən piyadalardan istifadə etməklə daha çox əməliyyat keçirir. Son günlər Ukrayna qüvvələri də Rusiya təyyarələrini hədəfə almaq və vurmaqda daha uğurlu olub.
Mənbələr bildirirlər ki, nəticədə əks-hücum Ukrayna və Rusiya üçün ağır sınaq olduğunu sübut edir, Qərb rəsmilərindən biri deyib və hər iki tərəf ağır itkilər verir.
