Almaniyanın maliyyə naziri: Ukrayna bu müharibədə uduzmamalıdır
Almaniyanın maliyyə naziri Kristian Lindner Kiyevə gəlib.
AFN.az-ın xəbərinə görə, bu, onun müharibə başlayandan bəri Ukraynaya ilk səfəridir.
Siyasətçi Almaniyanın Maliyyə Nazirliyinə və hakim koalisiyaya daxil olan liberal Azad Demokrat Partiyasına rəhbərlik edir.
"BILD"-in məlumatına görə, o, Kiyevdə siyasi danışıqlar aparacaq.
"Ukrayna bu müharibəni uduzmamalıdır" - deyə Lindner açıqlamasında bildirib. "Bu, Avropanın, dünyanın nizamı və azadlığının gələcəyi ilə bağlıdır."
Nazirin sözlərinə görə, Almaniya Qərb dəyərlərini müdafiə edən Ukrayna ilə çiyin-çiyinə olmağa davam edəcək.
