Polşa ABŞ və Cənubi Koreyadan min ədəd K2 tankı alacaq
Polşa silahlı qüvvələri Cənubi Koreyadan min tank alacaq.
AFN.az xəbər verir ki, bunu Polşanın milli müdafiə naziri Mariuş Blaşçak bildirib.
O qeyd edib ki, ölkənin Milli Müdafiə Nazirliyi zirehli birləşmələrin tanklarla silahlanmasına böyük diqqət yetirir. "Onların alınması üçün əsas istiqamətlər ABŞ və Koreya Respublikasıdır. Ümumilikdə, biz min K2 tankı alacağıq", - deyə müdafiə naziri bildirib.
İyulun sonunda Blaşçak elan edib ki, Varşava Cənubi Koreyadan 1000 K2 tankı, 600-dən çox K9 haubitsa və FA-50 qırıcılarından ibarət 3 eskadrilya daxil olmaqla, ağır silah və hərbi texnikanın böyük partiyasını sifariş edib.
