Yalnız Apple işçiləri üçün hazırlanmış ayaqqabı 50 min dollara hərraca çıxarılıb
Apple loqosu olan bir cüt ayaqqabı "Sotheby's" hərrac evi tərəfindən 50 min dollardan başlayan qiymətə hərraca çıxarılıb.
1990-cı illərdə şirkətin bəzi işçiləri üçün hazırladığı və bir konfransda payladığı bu ayaqqabılar indiyə qədər satışda olmayıb.
Ağ ayaqqabıların üzərində göy qurşağı rənglərində Apple-ın köhnə loqosu var.
"Sotheby's"dan bildirilib ki, bu ayaqqabı indiyədək görülən ən nadir məhsullardan biridir.
Hərrac elanında "Omega" şirkətinin istehsal etdiyi bu 41 ölçülü dəri ayaqqabının qutusunda heç istifadə olunmadığı, ancaq dabanında bir qədər saralma olduğu bildirilir.
Apple-ın keçmişdə istehsal etdiyi və ya yaydığı suvenirlər illər ərzində böyük dəyər qazanıb. Pərəstişkarları şirkətin ən son texnologiyaları kimi, şirkətin keçmiş məhsulları da maraqlandırır.
Bu yaxınlarda ilk açılmamış iPhone seriyalarından biri də 190.000 dollardan çox qiymətə satıldı.
2015-ci ildə Apple həmçinin saat bandı kolleksiyası üçün lüks marka Hermes ilə əməkdaşlıq edib.
Apple-ın ABŞ-ın Kaliforniya ştatındakı baş qərargahında işçiləri üçün istehsal edilən Apple Park gödəkçələri də var.
