Ərdoğan inauqurasiyasına qatılan "möhtərəm qonaqlar" sırasında Paşinyanın adını çəkməyib
Türkiyə prezidenti Rəcəb Tayyib Ərdoğan bu gün andiçmə mərasimində dövlət və hökumət başçılarını sadalayarkən Ermənistanın baş naziri Nikol Paşinyanın adını çəkməyib.
TASS-ın mərasimdə iştirak edən müxbirinin verdiyi məlumata görə, Ərdoğan bir sıra ölkələrin, o cümlədən Azərbaycan, Bolqarıstan, Venesuela, Qazaxıstan, Qırğızıstan, Pakistan və Özbəkistanın prezidentlərini və hökumət başçılarına, NATO-nun baş katibi Yens Stoltenberqə minnətdarlığını bildirib və onları salamlayıb. Adları xüsusi çəkilən dövlət rəhbərləri arasında hətta bir sıra Afrika dövlətlərinin başçıları da olub. Bu zaman Türkiyənin dövlət telekanalı TRT qonaqları nümayiş etdirib və kadrda Paşinyan görünüb.
Ərdoğanın həyat yoldaşı və köməkçiləri, görünür, kiməsə təşəkkür etməyi unutduğunu təklif ediblər. Bundan sonra o, bəzi siyasətçilərə, eləcə də prezidentliyə keçmiş namizəd Sinan Oğana müraciət edib Paşinyana bu dəfə də üz tutmayıb.
Ərdoğan bildirib ki, bütün qonaqları sadalamaq üçün kifayət qədər vaxt olmayacaq. "Daha sonra qala şam yeməyində hamımızın danışmaq şansımız olacaq" - deyə o bildirib.
