Həddindən artıq tərləyənlər diqqətli olun! 15 dəqiqəyə bu problemdən qurtula bilərsiniz
İnsanların həm şəxsi, həm də ictimai həyatına təsir edən həddindən artıq tərləmə probleminə qısa zamanda müdaxilə etmək mümkündür.
AFN.az xəbər verir ki, bu barədə türkiyəli mütəxəssis Şillan Naycı məlumat verib. Yalnız yayda deyil, qışda da müşahidə oluna bilən tərləmə bir çox insanın geyim seçimlərinə və buna uyğun olaraq sosial həyatına mənfi təsir göstərir. İnsanların həyat keyfiyyətini aşağı salan bəzi bölgələrin tərləməsi əməliyyatsız üsullarla minimum risklə müalicə edilə bilər. Üstəlik, müalicələr minimum risklə 15 dəqiqə ərzində həyata keçirilə bilər.
Bütün bunlarla yanaşı, Şillan Naycı, bildirir ki, bəzi insanlarda səbəbi bilinməyən tərləmə də ola bilər. Bəzi hallarda sınanmış bəzi üsullar faydalı olmaya bilər. Bütün həll yolları sınanmışsa, həddindən artıq tərləmə problemi qısa müddətdə müalicə edilə bilər. "İstənilməyən həddindən artıq tərləmə asanlıqla müalicə oluna bilən bir problemdir. Əməliyyatsız tətbiq edilən ən təsirli və asan müalicə üsulu botoks tətbiqidir. Tətbiq edilən "botulinum toxin"lə sinir uclarında sinir keçiriciliyinin dayandırılması məqsəd qoyulur. Bu yolla tər vəziləri stimullaşdırılmır və tərləmənin qarşısı alınır. Əl, ayaq və qoltuqaltı kimi regional tərləmə bölgələrində çox tez tətbiq edilən qırış botoksundan fərqli olaraq tərləmə botoksu əzələdaxili deyil, dəri altına tətbiq edilir".
Mütəxəssis tərləmə botoksunun ağrılı olub-olmaması məsələsinə də aydınlır gətirib. Onun sözlərinə görə, iynə ilə tətbiq olunduğu üçün bəzi xəstə qrupları ağrılar haqda suallar verrir: "Prosedur ağrısız bir prosedurdur. Çünki ilk növbədə müalicə olunacaq sahə müəyyən edilir və prosedurdan 20 dəqiqə əvvəl yerli anestezik krem çəkilir. Adekvat uyuşma əldə edildikdən sonra müalicə ediləcək sahə antiseptik məhlul ilə təmizlənir. Tətbiq sahəsində iynə vurulacaq nöqtələr təqribən 1 sm aralıqlarla marker qələmlə müəyyən edilir. Hazırlanmış botulinum toksini kiçik injektorlarla dəri altına yeridilir".
Lakin unutmayaq ki, bu prosedurla tərləmə problemi yalnız 6 ay müddətində aradan qalxır. Bəzi insanlarda prosedurun təsirinin 1 ilə qədər davam etməsi mümkündür, bu, oqranizmə bağlı məsələdir. Prosedurun sonunda xəstələr asanlıqla evlərinə və ya işlərinə qayıda bilərlər. Tərləmə botoksu effektivliyi və tətbiqi asanlığı ilə tez-tez seçilən müalicə üsuludur. Xüsusilə yaz aylarında tətbiq olunacaq botoks ilə yayın istisi özünü göstərmədən həyat keyfiyyətini artırmaq mümkündür.
Tərləyən nahiyələrdə botoksun tam təsirini görmək üçün təxminən 1 həftə (4-7 gün) gözləmək lazımdır. Ortalama 2 həftə sonra xəstələr nəzarətə çağırılır və onlara tərləmə testi tətbiq edilir. Buna uyğun olaraq nəzarət botoks dozası tətbiq edilir. Hamilə qadınlara, süd verən analara, iynə vurulacaq nahiyədə infeksiya və ya açıq yarası olanlara, əzələ zəifliyi olan nevroloji xəstəliyi olanlara, bəzi dərmanlardan istifadə edən revmatoid artritli xəstələrə tərləmə botoksu tövsiyə edilmir. Bu insanlardan başqa xəstələrə də həkim qiymətləndirməsi ilə tərləmə botoksu rahatlıqla tətbiq oluna bilər.
