81 yaşlı Marta Stüart gənc qalmasının sirlərini açıb
Amerikalı teleaparıcı və yazıçı Marta Stüart gənc qalmasının sirlərini açıb.
Ev təsərrüfatı ilə bağlı məsləhətləri ilə məşhurlaşan Stüart açıqlamanı özünün İnstaqram səhifəsində paylaşıb.
81 yaşlı məşhur yeni yenilənmiş bob saç düzümünü əks etdirən bir sıra şəkillər dərc edib. Yazının altındakı şərhlərdə pərəstişkarlarından biri televiziya ulduzuna təriflər yağdıraraq onun gənc görünüşünü necə qoruyub saxladığını soruşub. Marta Stüart öz növbəsində düzgün qidalanmaya riayət etdiyini və həftədə üç dəfə pilates etdiyini bildirib.
Bundan əlavə, Stüart qeyd edib ki, o, həftədə ən azı bir dəfə ata minir. İş qadını siqaret çəkmədiyini və nadir hallarda spirtli içki qəbul etdiyini vurğulayıb. "Bir də hər gün müxtəlif göyərtilərdən hazırladığım şirə içirəm" - deyə o, əlavə edib.
