Rusiya iqtisadiyyatı çökəcək - EKSPERT
Sanksiyalara görə bir çox Rusiya müəssisələri artıq nefti zərərlə satır. Gələcəkdə Rusiya iqtisadiyyatı bir vaxtlar ən gəlirli enerji sənayesindən əldə edilən gəlirlərin itirilməsi ilə bağlı çökəcək.
AFN.az xəbər verir ki, bu haqda Rusiyanın neft-qaz bazarı üzrə ekspert Mixail Krutixin “Arqument” proqramına açıqlamasında danışıb. O bildirib ki, hazırda Moskva xam neftinin bir hissəsini barrel üçün 48-49 dollarlıq nəhəng endirimlərdən istifadə etməklə, digərini isə qaçaqmalçılıq yolu ilə satmağa hazırlaşır.
“Lakin Rusiya uzun müddət bu yolla gedə bilməyəcək, çünki iqtisadiyyatı böyük itkilərə məruz qalır... Yəni nefti çıxarmaq, limana çatdırmaq, faydalı qazıntıların çıxarılmasına görə vergi ödəmək, ixrac rüsumunu ödəmək neçəyə başa gəlir.. Nəticədə şirkətlərin əslində neft satmağa heç nə qalmayıb”-deyə ekspert qeyd edib.
O, həmçinin bildirib ki, Avropa İttifaqının Rusiya neft məhsullarının ixracını bağlamaq qərarı fonunda vəziyyət daha da pisləşəcək. Rusiya məhsulu üçün Çin və Hindistan bazarları fəaliyyətini dayandıracaq.
Hasilatı dayandırmaq lazım gələcək. Rusiyada quyular bağlanarsa, onların konservasiyası əlavə xərclərə və əhəmiyyətli xərclərə səbəb olacaq.
Mütəxəssis qeyd edib ki, onları sonradan bərpa etmək daha baha başa gəlir. O bildirib ki, nəticədə Rusiyanın neft hasilatı 30 faizə qədər azala bilər.
M.Vahidli
