Türkiyədə universitet əməkdaşları qəzaya düşdü - Ölənlər və yaralananlar var
Türkiyənin Mardin şəhərində universitet əməkdaşlarını daşıyan mikroavtobus qəzaya uğrayıb. Qəza nəticəsində 6 nəfər ölüb, 5 nəfər yaralanıb.
Musavat.com haberler.com-a istinadən xəbər verir ki, qəzaya avtomobilin idarəetmədən çıxaraq aşması səbəb olub.
6 nəfərin ölümü ilə nəticələnən qəzanın Midyat-Ömerli avtomobil yolunda baş verdiyi bildirilir.
Əraziyə polis və təcili yardım briqadaları gəlib. Yaralılar yaxınlıqda olan xəstəxanalardan birinə çatdırılıblar.
