Şamaxıdan qayıdan müəllim və şagirdlər ağır qəzaya düşdü - Yaralılar var VİDEO
Ölkə.az saytı qəzaya düşənlərin Bakının Günəşli massivində yerləşən 279 nömrəli məktəbin müəllim və şagird heyəti olduğunu yazıb.
Məlumata görə, hadisə nəticəsində bir nəfərin həyatını itirdiyi söylənilir.
Onlar Şamaxıda istirahət edib Bakıya qayıdırmışlar.
***
Bakı-Şamaxı yolunun Acıdərə adlanan ərazisindən keçən hissəsində ağır yol-nəqliyyat hadisəsi baş verib.
AFN.az APA-ya istinadən xəbər verir ki, hadisə ötən gün saat 23:00 radələrində baş verib.
Üzərinə Bakı-Tovuz-Qazax-Qırmızı Körpü yazılmış 90-NL-949 dövlət nömrə nişanlı “Mercedes” markalı sərnişin avtobusu yoldan çıxaraq dəmir arakəsməyə çırpılıb.
Hadisə zamanı Qəbələdən Bakıya gedən və içərisində 55 sərnişinin olduğu avtobusda 6 nəfər xəsarət alıb.
Yaralılar Şamaxı Rayon Mərkəzi Xəstəxanasına aparılıb.
Həmçinin, təcili tibbi yardım stansiyasının həkimləri hadisə yerində 10-dan çox sərnişinə ilkin tibbi yardım göstərib.
Faktla bağlı araşdırma aparılır.
