Şəhər meri: "Mariupolda azı 10 min dinc sakin ölüb"
Rusiyanın hərbi əməliyyatları nəticəsində Ukraynanın Donetsk vilayətinin Mariupol şəhərində azı 10 min dinc sakin ölüb.
“Associated Press” xəbər verir ki, bunu Mariupol şəhərinin meri Vadim Boyçenko bildirib.
Onun sözlərinə görə, qurbanların sayı artaraq 20 minə də çata bilər: “Son bir həftə ərzində edilən hücumlar nəticəsində mariupolluların meyitləri küçələri xalça kimi örtüb. Sağ qalan 120 min sakinin isə yeməyə, içməyə, dərman preparatlarına ehtiyacı var".
Qeyd edək ki, Mariupol hazırda mühasirə vəziyyətindədir.
