Avropa İttifaqı Ukraynaya hərbi yardımını artırır
Avropa İttifaqı Ukraynaya hərbi yardımı daha 500 milyon avro artıracaq.
Bu barədə Avropa Şurasının Prezidenti Şarl Mişel "Twitter" hesabında məlumat verib.
Prezident qeyd edib ki, Avropa İttifaqı qurumun xarici işlər və təhlükəsizlik siyasəti üzrə ali nümayəndəsi Jozep Borrelin təklifi ilə Avropa Sülh Fondundan daha 500 milyon avro ayırmağı planlaşdırır.
"Tezliklə təsdiqləndikdən sonra Ukraynaya hərbi texnika üçün Aİ-nin verdiyi dəstək 1,5 milyarda çatdıracaq", deyə Mişel əlavə edib.
Qeyd edək ki, bu gün Avropa Komissiyasının Prezidenti Ursula fon der Lyayen və Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Jozep Borrelin Ukraynanın paytaxtı Kiyevə səfəri başlayıb.
Thanks and support to @JosepBorrellF for your proposal to top up the #EuropeanPeaceFacility with a further €500M. Once swiftly approved this will bring to 1.5 billion the EU support already provided for military equipment for #Ukraine. @ZelenskyyUa
— Charles Michel (@eucopresident) April 7, 2022
