Natalya Məmmədova karyerasını başa vurdu
Azərbaycan millisinin sabiq voleybolçusu Natalya Məmmədova 36 yaşında karyerasını başa vurub.
Bu barədə Fransa çempionatında çıxış edən İsveçrənin "Volero Le Kane” klubu məlumat yayıb.
Bildirilib ki, yüksək səviyyədə 20 mövsüm keçirən Natalya bu klubda son oyununu keçirib.
Qeyd edək ki, 2004-cü ildən milliləşdirilmiş ukraynalı voleybolçu karyerası ərzində 10 ölkənin 14 klubunda forma geyinib. O, Ukrayna və Azərbaycandan başqa, İsveçrə, İtaliya, İspaniya, Türkiyə, Rusiya, Qazaxıstan, Çin və İndoneziya çempionatlarında da çıxış edib.
