Bakıda dövlət tədbirində qalmaqal: Afaq Bəşirqızı konfransı tərk etdi - “Sizə ar olsun!
Bu gün Bakıda Teatr Xadimləri İttifaqının 14-cü konfransı keçirilib.
Tədbirdə qalmaqal baş verib. Belə ki, Xalq artisti Afaq Bəşirqızı etiraz əlaməti olaraq konfransı yarımıçıq tərk edib. O, Teatr Xadimləri İttifaqını və onun sədri Xalq artisti Azər Paşa Nemətovu sərt şəkildə tənqid edib:
“Bu ittifaqı vaxtında kişilər yaradıb. O kişilərin əvəzində işi görənlərə deyirəm ki, sizə ar olsun! Teatr Xadimləri İttifaqının konsepsiyası məlum deyil, cəmiyyətlə ayaqlaşmır. Onların nəyə xidmət etdiyini başa düşə bilmirəm.
Biz Gürcüstandan 20 manata ayaqqabı alıb, sənətçinin ayağına geyindiririk. Hanı bizim gözəl pinəçilərimiz, qrim ustalarımız?! Hanı Teatr Xadimləri İttifaqının rəhbərliyi?! Hanı kişilərin qoyub getdiyi miras?!".
Daha ətraflı videodan izləyin:
[media=https://www.youtube.com/watch?time_continue=14&v=Idqc5XNCHsU]
Mənbə:Redaktor.az
