Nəriman Həsənzadə xəstəxanaya yerləşdirildi
Xalq şairi Nəriman Həsənzadə Mərkəzi Klinik Xəstəxanaya yerləşdirilib.
Bu barədə APA-ya Mərkəzi Klinik Xəstəxananın baş həkimi Kamran Musayev bildirib.
“Hazırda Nəriman Həsənzadənin vəziyyəti ağır-stabildir, müalicəsi davam etdirilir”, - o deyib.
N.Həsənzadənin yaxınları isə Oxu.az-a şairin vəziyyətinin yaxşı olduğunu bildiriblər. Qeyd olunub ki, şairin kreatini yüksək olub, lakin müalicələrdən sonra hər şey qaydasına düşüb: “Hazırda Mərkəzi Klinik Xəstəxanada müalicə alır. Vəziyyəti çox yaxşıdır. Evə nə zaman buraxılacağını hələ bilmirik”.
