“Qarabağ” bu gün ÇL-də cavab oyununa çıxır
"Qarabağ" UEFA Çempionlar Liqasının III təsnifat mərhələsinin cavab oyununa bu gün çıxacaq.
AFN.az-ın xəbərinə görə, Qurban Qurbanovun baş məşqçisi olduğu kollektiv Bakıda Şimali Makedoniya təmsilçisi "Şkendiya" ilə üz-üzə gələcək.
Qarşılaşma Tofiq Bəhramov adına Respublika stadionunda, saat 20:00-da start götürəcək. Matçı niderlandlı Danni Makkeli idarə edəcək.
Skopyedəki ilk oyunda Azərbaycan çempionu bir cavabsız qolla qalib gəlib.
Qeyd edək ki, bu cütün qalibi pley-offda "Ludoqorets" (Bolqarıstan) - "Ferentsvaroş" (Macarıstan) duelinin güclüsü ilə qarşılaşacaq. Məğlub tərəf isə eyni cütün məğlubu ilə UEFA Avropa Liqasının pley-offunda görüşəcək. Macarıstandakı cavab matçı Bakı vaxtı ilə saat 22:15-də başlayacaq. Komandalar arasında Bolqarıstanda gerçəkləşən ilk qarşılaşmada hesab açılmayıb.
Çempionlar Liqası
III təsnifat mərhələsi
Cavab oyunu
12 avqust
20:00 Qarabağ (Azərbaycan) - Şkendiya (Şimali Makedoniya)
Hakimlər: Denni Makkeli, Hessel Steeqstra, Yan de Vries, Mark Naqteqaal (Niderland).
Bakı. Tofiq Bəhramov adına Respublika stadionu.
İlk oyun - 1:0.
