ABŞ və Çin yeni danışıqlara hazırlaşır - Bessent
ABŞ və Çin yaxın gələcəkdə ikitərəfli danışıqlar aparacaq və bu danışıqlar təkcə ticarət məsələlərini əhatə etməyəcək.
AFN.az xəbər verir ki, bu barədə ABŞ-ın maliyyə naziri Skott Bessent məlumat verib.
"Biz çox yaxın vaxtlarda danışıqlar aparacağıq. Düşünürəm ki, ticarət yaxşı gedir, indi başqa şeylər haqqında danışmağa başlaya bilərik. Təəssüf ki, çinlilər sanksiyaya məruz qalan İran və Rusiya neftinin çox böyük alıcılarıdır", - deyə Bessent qeyd edib.
Nazirin sözlərinə görə, Çin ABŞ ilə ikitərəfli ticarəti balanslaşdırmalıdır. Bessent əlavə edib ki, bu məsələ gələcək danışıqlarda Amerika və Çin tərəfləri arasında müzakirələrin bir hissəsi olacaq.
