İran: İsrailə qarşı hücumlar qarşıdakı saatlarda intensivləşəcək
İran yeni və müasir silahlarla ağır PUA hücumlarına başladığını və qarşıdakı saatlarda bu hücumların daha da intensivləşəcəyini bəyan edib.
İranın dövlət televiziyası, İran Ordusunun Quru Qoşunları komandanı Kiyumers Heydarinin İsrailə qarşı həyata keçirilən cavab hücumlarına dair açıqlamalarını yayımlayıb.
Heydari bildirib: “Yeni və inkişaf etmiş silahlarla intensiv PUA hücumlarına başlanılıb və qarşıdakı saatlarda bu hücumlar güclənəcək.”
O, son gün və gecə ərzində dağıdıcı və hədəfi dəqiq vurma qabiliyyətinə malik müxtəlif tipli PUA-larla İsrailə qarşı cavab hücumları həyata keçirdiklərini və bu silahların Təl-Əviv və Hayfada yerləşən strateji mövqeləri məhv etdiyini vurğulayıb.
