NASA: "Dragon" ISS-dən uğurla çıxarıldı
"SpaceX"-in "Dragon" yük kosmik gəmisi Beynəlxalq Kosmik Stansiyadan (BKS) uğurla çıxarılaraq, təchizat və avadanlıq yükü ilə Yerə qayıdıb.
NASA-nın verdiyi məlumata görə, ET vaxtı ilə saat 12:05-də pilotsuz “Dragon” kosmik gəmisi "SpaceX"-in missiya idarəetmə mərkəzinin əmri ilə Beynəlxalq Kosmik Stansiyanın Harmoniya modulunun zenit limanından çıxarılıb.
Yer atmosferinə daxil olduqdan sonra kosmik gəminin mayın 25-i bazar günü təxminən saat 01:45-də Kaliforniya sahilləri yaxınlığında yerə enəcəyi gözlənilir.
“Dragon” kosmik gəmisi aprelin 22-də orbital stansiyaya gedib və ekipaj üçün təchizat, avadanlıq və elmi tədqiqatlar üçün materiallar da daxil olmaqla 3 tona yaxın yük çatdırıb.
"Falcon 9" raketinin kosmik gəmi ilə birlikdə buraxılması "SpaceX"-in BKS-ə 32-ci kommersiya yük daşıma missiyası çərçivəsində aprelin 21-də NASA-nın Floridadakı Kennedi Kosmik Mərkəzində 39A meydançasından baş tutub.
