Şirvanda əhalinin su təchizatı belə həyata keçirilir - FOTO/VİDEO
Yeni doğulan uşağın ölümü ilə bağlı açılmış cinayət işi çərçivəsində Lənkəran şəhəri, Nizami Gəncəvi küçəsində yerləşən "Medilandia Hospital"da aparılan araşdırmalar zamanı ciddi qanun pozuntuları müəyyən edilib.
Qaynarinfo-nun əldə etdiyi məlumata əsasən, hüquq-mühafizə və aidiyyəti dövlət qurumları tərəfindən aparılan yoxlamalar zamanı bəzi işçilərin əmək müqaviləsi qüvvəyə minmədən işə cəlb olunduğu məlum olub.
Xüsusilə müəyyən edilib ki, klinikada 15 oktyabr 2024-cü ildən 3 fevral 2025-ci ilədək tibb bacısı vəzifəsində fəaliyyət göstərmiş A.S. adlı şəxs ilə ümumiyyətlə əmək müqaviləsi bağlanmayıb.
Yoxlama nəticəsində aşkarlanmış pozuntular əsasında İnzibati Xətalar Məcəlləsinin 192.1-ci maddəsinə əsasən klinika barəsində protokol tərtib edilib və iş məhkəməyə göndərilib.
Məhkəmənin qərarı ilə "Medilandia Hospital" rəhbərliyi sözügedən inzibati xətanı törətməkdə təqsirli bilinərək 20.000 manat məbləğində cərimə olunub.
