Avstraliyada pensiya fondları kiberhücumların hədəfi olub
Avstraliyada 3,5 milyondan çox insanın üzv olduğu "AustralianSuper" pensiya fonduna və digər fondlara kiberhücumlar həyata keçirilib.
Avstraliya Yayım Korporasiyasının (ABC) xəbərinə görə, "AustralianSuper" fondu son bir ayda 600-ə yaxın kiberhücumun hədəfi olub, 4 fond üzvü isə təxminən yarım milyon dollar itirib.
“AustralianSuper” tərəfindən verilən açıqlamada üzvlərin hesablarına girişdə problem yaşandığı, bəzi hesablarda pulun görünmədiyi bildirilib.
Açıqlamada kiberhücumun təşkilatçılarının bu həftə 600-ə yaxın üzvün parollarını qırdığı və hesablarına daxil olduğu müəyyən edilib.
Ölkədəki pensiya fondlarını təmsil edən Avstraliya Təqaüd Fondları Assosiasiyasının (ASFA) verdiyi açıqlamada bir sıra pensiya fondlarının kiber hücumların hədəfi olduğu qeyd edilib və bəzi üzvlərin hesablarının bu hücumlardan təsirləndiyi açıqlanıb.
Bəyanatda vurğulanıb ki, fondları təmsil edən şəxslər zərər çəkmiş üzvlərlə əlaqə saxlayıb və məlumatları oğurlananlara kömək ediblər.
“AustralianSuper” saytındakı məlumata görə, fondun həcmi 365 milyard dollardan çoxdur və 3,5 milyondan çox üzvü var.
