NATO generalı: Ukraynaya yeni F-16-lar göndəriləcək
Əlavə F-16 qırıcı-bombardmançı təyyarələri Ukraynaya çatdırılmaq üçün hazırlanır.
Bu barədə NATO Silahlı Qüvvələrinin Avropadakı baş komandanı, amerikalı general Kristofer Kavoli məlumat verib.
"Ukraynada bir neçə F-16 və təlim keçmiş pilot var. Daha çox F-16 yerləşdirməyə hazırlaşırıq. Hazırda daha çox pilot təlim keçir, mən sizə dinləmənin qapalı hissəsində onların sayını deyə bilərəm. Onlar işləyirlər. Təyyarələr xidmətdədir və onlar hər gün uçurlar", - o, Senatda Silahlı Xidmət Komitəsinin dinləmələrində deyib.
General qeyd edib ki, Ukraynadakı F-16-ların heç biri ABŞ-dan deyil: "Onlar əsasən Şimali Avropa ölkələrindən idi: Hollandiya, Danimarkadan. Pilotlar ukraynalıdırlar. Onlar müxtəlif yerlərdə məşq ediblər: bəziləri Rumıniyada, bəziləri Hollandiyada, bəziləri Arizonada. Ukrayna hərbçiləri həmçinin “Patriot” zenit-raket komplekslərindən istifadəni davam etdirirlər".
Ukrayna prezidenti Vladimir Zelenski Ukraynanın Qərb tərəfdaşlarından daha bir neçə F-16 aldığını açıqlayıb.
