Fransanın müdafiə naziri: Ukraynanın demilitarizasiyası qəbuledilməzdir
Ukrayna ordusu Ukrayna üçün əsas təhlükəsizliyin təminatı olaraq qalır və Paris Ukrayna ordusunun istənilən silahsızlaşdırılmasına qarşı çıxacaq.
AFN.az xarici mediaya istinadən xəbər verir ki, bunu Fransanın müdafiə naziri Sebastien Lecornu deyib. Lecornu prezident Emmanuel Makronun da çıxış edəcəyi Parisdə Müdafiə və Strategiya Forumunun açılışında danışıb. Bu forumda Makronun da iştirakı ilə Avropa ölkələrinin baş qərargah rəislərinin görüşü keçirilməlidir və orada onların Ukraynada potensial sülhməramlı əməliyyatda iştirakı müzakirə oluna bilər.
Moskva Ukrayna ərazisində istənilən halda NATO ölkələrinin qoşunlarının olmasına qəti şəkildə qarşıdır.
Tammiqyaslı müharibənin ilk günündən Vladimir Putin Ukraynanın “demilitarizasiyasını” tələb edir ki, bu da Kiyev üçün qəbuledilməzdir.
