Papanın istefası ehtimalı rədd edilir
Papa Fransisk taxtdan imtina etməyəcək - əksinə, ağır xəstəlikdən sonra o, yeni mərhələyə başlayacaq və sürpriz edə bilər.
AFN.az xarici mediaya istinadən xəbər verir ki, bunu pontifikin yaxını olan və İnam Doktrinası Dikasteriyasının prefekti olan Argentinalı kardinal Viktor Manuel Fernandes deyib.
"Əlbəttə, Papa bu ay ərzində çox şey öyrəndi və onun keçirdiyi çətin an kilsəni və dünyanı zənginləşdirəcək. Kim bilir, silindrdən nə çıxaracaq. Yeni mərhələ başlayır və Fransisk sürprizlər adamıdır. Mən onun imtina edə biləcəyini qətiyyən düşünmürəm. Bu, qətiyyən belə deyil", - deyə "Corriere della Sera" qəzeti kardinalın sözlərini sitat gətirir.
Kardinal bildirib ki, fevralın 14-dən pnevmoniya ilə xəstəxanada olan pontifiklə söhbət etmək imkanı olub. Kardinalın sözlərinə görə, Papa fiziki cəhətdən özünü yaxşı hiss edir, lakin ona danışmaq çətindir. "İndi uzun bir reabilitasiya lazımdır, çünki uzun müddət intensiv oksigen tədarükündən sonra hər şey quruyub və o, yenidən danışmağı öyrənməlidir", - prelat əlavə edib.
