ABŞ-da Tramp administrasiyasına qarşı iddia qaldırılıb
ABŞ prezidenti Donald Trampın hökumətinə qarşı onun administrasiyasının Beynəlxalq İnkişaf Agentliyini (USAİD) bağlamaq cəhdlərinin qarşısını almaq ilə bağlı iddia qaldırılıb.
ABŞ mətbuatı USAID işçilərinin sayının 10.000-dən təxminən 300-ə endiriləcəyini iddia etsə də federal işçiləri təmsil edən həmkarlar ittifaqları USAİD-ə görə Tramp administrasiyasını məhkəməyə verib.
Amerika Xarici Xidmət Assosiasiyası (AFSA) və Amerika Hökumət İşçiləri Federasiyası (AFGE) Vaşinqtondakı federal məhkəmədə iddia qaldırıb.
Tramp, Dövlət Katibi Marko Rubio, Maliyyə Naziri Skot Bessent, USAİD, Dövlət Departamenti və Xəzinədarlıq Departamentinə qarşı açılan iddiada USAİD-in fəaliyyətinin dayandırılmasının Amerikada qlobal böhran yaratdığını və onların minlərlə iş yerini itirməsinə səbəb olduğunu bildirərək, “USAID-in fəaliyyətini dayandırmaq cəhdlərini dərhal dayandırmaq” əmri tələb olunur.
Müraciətdə USAİD-ə müvəqqəti inzibatçı təyin edilməsi, onun binalarının yenidən açılması, internet səhifələrinə girişin bərpası və işçilərin inzibati məzuniyyətə buraxılmasının dayandırılması tələb olunur.
