Universitetlər regionlara köçürüləcəkmi? - Nazirdən cavab
"Universitetlərin köçürülməsi konseptual şəkildə müzakirə edilir".
Bu barədə elm və təhsil naziri Emin Əmrullayev brifinqdə çıxışı zamanı deyib. O qeyd edib ki, hələ bunun təhlilləri aparılır.
"Bu istiqamətdə müəyyən hesablamalarımız var. Aidiyyatı qurumlarla iş aparırıq. Bakının mərkəzində yerləşən universitetlər təxminən 15-20 min tələbə və onların müəllimləri deməkdir. Bu bir əşyanı A nöqtəsindən B nöqtəsinə daşımaq deyil. Eyni zamanda biz bunu istisna etmirik. Düşünürük ki, köçürülmə təhsil üçün də yaxşıdır", - deyə nazir əlavə edib.
