"iTicket" gömrük qaydalarını pozub
Mədəni tədbirlər və əyləncələr üçün biletlərin onlayn satışını həyata keçirən "iTicket Production" Məhdud Məsuliyyətli Cəmiyyəti (MMC) barəsində gömrük qaydaları əleyhinə olan inzibati xəta protokolu tərtib edilib.
Protokol İnzibati Xətalar Məcəlləsinin 485.2-ci maddəsi ilə iddası ilə irəli sürülüb.
İnzibati Xətalar Məcəlləsinin 485.2-ci maddəsinə əsasən, Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə vəzifəli şəxslər 1 000 manat, hüquqi şəxslər 1 500 manat məbləğində cərimə edilir.
İş Səbail Rayon Məhkəməsinin hakimi Şəhla Süleymanovanın icraatındadır.
Qeyd edək ki, "iTicket Production" MMC-nin qanuni təmsilçisi Abasov Kamran Malik oğludur.
Qaynarinfo
