ÜST rəhbəri dünyada COVID-19-dan ölənlərin sayını açıqladı
Dünyada COVID-19-dan yeddi milyondan çox ölüm qeydə alınıb.
Bunu Ümumdünya Səhiyyə Təşkilatının rəhbəri Tedros Adhanom Qebreyesus brifinq zamanı bildirib.
"Ümumilikdə ÜST dünya miqyasında COVID-19-dan yeddi milyondan çox ölüm barədə məlumat verib, lakin biz inanırıq ki, həqiqi rəqəm üç dəfə çoxdur" deyə Qebreyesus vurğulayıb.
Onun sözlərinə görə, 21 iyul 2024-cü il tarixinə 775 milyondan çox təsdiqlənmiş hal var.
