Ağ Ev: Bayden oğlunu siyasi rəqiblərinə görə əfv edib
Ağ Ev iddia edib ki, ABŞ prezidenti Co Bayden vergidən yayınmaqda və silah əldə etməkdə qanun pozuntularında ittiham olunan oğlu Hanter Baydeni siyasi rəqiblərindən qorumaq üçün əfv edib.
Ağ Evin sözçüsü Karine Jan-Pier Anqolaya səfərindən əvvəl Baydenin əfv qərarı ilə bağlı mətbuat mənsublarının suallarını cavablandırıb.
Prezidentin ailə üzvünü ilk dəfə əfv etmədiyini deyən Jan-Pier keçmiş prezident Bill Klintonun ögey qardaşı Rocer Klintonu, yeni seçilmiş prezident Donald Trampın isə qızının qayınatası Çarlz Kuşneri əfv etdiyini xatırladıb.
Jan-Pier "Prezidentin bu qərarı verməsinin səbəblərindən biri də siyasi rəqiblərinin bu məsələdən əl çəkməməsi idi. Onlar oğlunu təqib etməyə davam edəcəklər. O da buna inanırdı" deyib.
Mətbuat katibi bildirib ki, prezident oğlunun siyasi səbəblərdən hədəf alındığını düşünür.
Əvvəlki vədinin əksinə olaraq, ABŞ prezidenti Bayden oğlu Hanter Bayden üçün verdiyi əfv səlahiyyətindən istifadə edərək vədinə əməl etməyə çalışdığını, lakin respublikaçıların ona qarşı prosesi siyasiləşdirdiyini iddia edib.
Hanter Bayden ona qarşı ittihamları araşdırmaq üçün Ədliyyə Departamenti tərəfindən təyin edilmiş xüsusi prokuror David Veys tərəfindən Kaliforniyada 1,4 milyon dollar vergidən yayınmaqda ittiham olunur.
Bayden isə ona qarşı irəli sürülən bütün ittihamları rədd edib.
ABŞ tarixində ilk dəfə olaraq vəzifədə olan prezidentin oğlu hakim qarşısına çıxıb və ona qarşı irəli sürülən ittihamlarla təqsirli bilinib.
Mənbə: AA
