İndoneziyada vulkan püskürüb: 10 nəfər ölüb
İndoneziyanın Flores adasında baş verən vulkan partlayışında ilkin məlumata görə, 10 nəfər həyatını itirib.
İndoneziya Fəlakətlərin İdarə Olunması Agentliyinin məlumatına görə, ölkənin ucqar adalarından biri olan Floresdə yerləşən Levotobi Laki Laki dağında vulkan püskürməsi baş verib.
Püskürmədən sonra lava axıntılarının çatdığı yaxınlıqdakı kənddə bir neçə ev, o cümlədən monastır yanıb.
Səlahiyyətlilər bir rahibə də daxil olmaqla 10 nəfərin öldüyünü, bir nəfərin itkin düşdüyünü bildirib.
Ötən həftədən bəri bölgədə silsilə vulkanik partlayışlar baş versə də, səlahiyyətlilər Levotobi Laki Laki dağı üçün xəbərdarlıq statusunu ən yüksək səviyyəyə qaldırıb.
Qeyd edək ki, vulkan keçən həftədən etibarən hər gün iki min metrə qədər qalın qəhvəyi kül havaya püskürür.
Xatırladaq ki, "Sakit okean od halqası" zəlzələ və vulkan qurşağında olan İndoneziyada 130 aktiv vulkan var.
Mənbə: AA
