Elon Musk 11 uşağı və onların anaları ilə yaşamaq üçün malikanə aldı
“The New York Times” (NYT) qəzeti ailələri uşaq sayını artırmağa çağıran amerikalı milyarder İlon Maskın 11 uşağı və onların anaları ilə birlikdə yaşamaq üçün malikanə aldığını yazıb.
Nəşrin Maskın təşəbbüslərindən məlumatı olan dörd nəfərə istinadən yazdığı xəbərdə amerikalı milyarderin “qeyri-adi ailə məskunlaşması yaratmağa” çalışdığı iddia edilib.
Adı açıqlanmayan 4 şəxs Maskın 3 anadan 11 uşağın bir-birinin həyatının bir parçası olması üçün belə bir addım atdığını qeyd edib.
Maskın Texasda təxminən 1338 kvadratmetrlik malikanəsi və malikanənin yaxınlığında bir villası var. Bu mülklərin ümumi dəyərinin 35 milyon dollara çatdığı bildirilir.
