Bu gecə Yer kürəsində güclü maqnit qasırğaları başlayacaq
Bu axşam Yer kürəsində maqnit qasırğası başlayacaq və növbəti günün sonuna qədər davam edəcək.
AFN.az Rusiya mediasına istinadən xəbər verir ki, bu barədə "Phobos" hava mərkəzinin aparıcı mütəxəssisi Mixail Leus öz Telegram kanalında məlumat verib.
“Gözlənilir ki, bu gün Moskva vaxtı ilə saat 21:00-dan sonra Yer kürəsində zəif maqnit qasırğası - G1 sinfi başlayacaq. Maqnit qasırğası sonradan güclənərək G3-ə çatacaq. Bundan sonra, intensivliyin zəifdən güclüyə qədər dəyişməsi ilə, maqnit qasırğası şənbə günü axşam, Moskva vaxtı ilə saat 21:00-a qədər davam edəcək" - deyə mütəxəssis bildirib.
Qeyd olunur ki, oktyabrın 6-da Yerin geomaqnit sahəsi maqnit qasırğaları səviyyəsinə çatmadan pozulmağa davam edəcək. Yalnız gələn həftənin əvvəlində planetin maqnitosferi sakit vəziyyətə qayıdacaq.
