İtkin düşmüş 15-ə yaxın şəxsin qalıqları aşkarlanıb
“Bu ilin sentyabr ayında Dövlət Komissiyasına və BQXK-ya məlum olan koordinatlar üzrə Ağdərə rayonunun Sırxavənd kəndi ərazisində aparılmış işlər nəticəsində Birinci Qarabağ müharibəsində itkin düşmüş 15-ə yaxın şəxsə aid sümük qalıqları aşkar edilib”.
“Qafqazinfo” xəbər verir ki, bunu Bakıda keçirilən beynəlxalq tədbirdəki çıxışı zamanı Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev deyib.
Qeyd olunub ki, hazırda həmin ərazilərdə qazıntı və ekshumasiya işləri davam etdirilir. İlkin baxışa və təhlilə əsasən, sözügedən ərazilərdə bir neçə kütləvi məzarlığın aşkarlanması ehtimalı böyükdür.
