Ukraynanın üzvlüyü ilə bağlı NATO-da konsensus yoxdur - baş katib
Ukraynanın alyansa daxil olması ilə bağlı NATO üzvləri arasında konsensus yoxdur.
"Ria Novosti" xəbər verir ki, bu barədə NATO-nun baş katibi Yens Stoltenberq bildirib.
“Biz konsensus əldə etdikdən sonra Ukrayna NATO-ya üzv olacaq. Səs çoxluğu kifayət deyil, biz yekdilliklə qərar qəbul etməliyik”, - deyən baş katib əlavə edib ki, Ukraynanın qoşulması üçün münaqişənin bitdiyinə və dayandırılmadığına əmin olmaq lazımdır.
Bundan əvvəl Stoltenberq Ukrayna F-16 pilotlarını NATO Hərbi Hava Qüvvələrinin bir hissəsi adlandırmışdı.
