"Eurovision 2024"ün hollandiyalı iştirakçısı İsveçdə mühakimə oluna bilər
Hollandiyalı “Eurovision 2024” müsabiqəsinin iştirakçısı Jost Klein iyunun əvvəlində İsveçdə məhkəmə qarşısına çıxa bilər.
Bu barədə NOS telekanalı onun vəkili Yan-Åke Felt-ə istinadən məlumat yayıb.
Sənətçinin vəkili vurğulayıb ki, Klein onun razılığı olmadan onu lentə alan qadın operatora qarşı hədələyici jest etdiyini inkar edir. Felt vurğulayıb ki, reperlə təşkilatçı arasında onun səhnədən çıxışının qeydə alınmayacağı ilə bağlı razılaşma olub. Eyni zamanda operator çəkilişi davam etdirib, Kleinin dayandırmaq tələblərinə məhəl qoymayıb və bundan sonra iştirakçı kameranı itələmək məcburiyyətində qalıb.
Qeyd edək ki, Jost Klein yarışın final günü diskvalifikasiya edilib. Çəkiliş qrupunun üzvü mayın 9-da müsabiqənin yarımfinalında Kleinin çıxışından sonra baş verən insidentlə bağlı polisə şikayət edib.
