"Qalatasaray" bu gün "Pendikspor"u qəbul edəcək
Superliqanın 33-cü həftəsində Türkiyə Super Liqasının lideri "Qalatasaray" liqada qalmaq üçün mübarizə aparan "Pendikspor"u qəbul edəcək.
RAMS Parkda oynanılacaq qarşılaşma Bakı vaxtı ilə 20.00-da başlayacaq. Baş hakim Direnç Tonusluoğlunun idarə edəcəyi qarşılaşma Bein Sports 1 kanalında canlı yayımlanacaq.
Qalatasaray liqada geridə qalan 32 matçda 28 qələbə, 3 heç-heçə və 1 məğlubiyyətlə 87 xal toplayıb. Sarı-qırmızılılar həftəyə ən yaxın izləyicisi Fənərbaxçanı 2 xal qabaqlayaraq lider olaraq daxil olublar.
Pendikspor 7 qələbə, 9 heç-heçə və 16 məğlubiyyət nəticəsində 30 xal toplayıb. Qırmızı-ağlılar liqada 19-cu yerdədir və aşağı liqaya düşmə təhlükəsindədirlər.
