Yaponiya donanmasının iki helikopteri Sakit okeana düşüb
Yaponiya Hərbi Dəniz Qüvvələrinə məxsus 8 şəxsi daşıyan iki helikopter gecə təlim uçuşu zamanı Sakit Okeana düşüb.
Yaponiya Müdafiə naziri Kihara Minoru gecə uçuş təlimi zamanı Sakit okeana düşən 2 donanma helikopteri ilə bağlı mətbuata açıqlama verib.
Kihara paytaxt Tokionun cənubundakı Torishima adasının sahillərində hər biri 4 nəfərlik SH-60K model helikopterlərlə əlaqənin kəsildiyini söyləyib.
Qəzanın səbəbi hələ müəyyən edilməyib.
Bölgədə axtarış-xilasetmə işləri davam edir.
