Fransada 17 yaşlı yeniyetməyə qarşı zorakılıq tətbiq edən 2 polis işdən çıxarıldı
Fransanın Val-d'Oise əyalətinin Vilye-le-Bel şəhərində 17 yaşlı gəncə qarşı zorakılıq tətbiq edən iki polis məmuru vəzifəsindən uzaqlaşdırılıb.
“Le Parisien” qəzetinin məlumatına görə, Sarcelles polis bölməsində çalışan iki polis məmurunun Villiers-le Beldə 17 yaşlı gənci saxlayarkən onu yumruqladıqları anların görüntüləri sosial mediada paylaşılıb.
Görüntülərdən sonra 2 polis əməkdaşı işdən uzaqlaşdırılıb, hadisə ilə bağlı araşdırma aparılıb.
Görüntülərdə polislərdən birinin gənci qarajın qarşısına gətirərkən yumruqla vurduğu, digər polisin isə yerə yıxılan gənci qaldıraraq yumruqla vurduğu görünür.
