Netanyahu Qəzzada hücumları davam etdirəcəklərini bildirib
İsrailin baş naziri Benyamin Netanyahu ölkəsinin Qəzzaya hücumlarını davam etdirəcəyini bəyan edib.
İsrail mətbuatında yer alan xəbərlərə görə, Netanyahu ABŞ-da respublikaçı senatorların görüşünə videokonfrans vasitəsilə qoşulub və İsrailin Qəzzaya hücumlarından danışıb.
İclasda iştirak edən Senat üzvünün sözlərinə görə, Netanyahu bir daha ABŞ Senatının çoxluq lideri Çak Şumerin ölkədəki seçki çağırışını tənqid edərək, İsrail baş nazirinin 7 oktyabrdan sonra prosesi səhv idarə etdiyini bildirib və Şumerin açıqlamalarını "şok müdaxilə" kimi qiymətləndirib.
Netanyahu çıxışında Qəzzada məqsədlərinə çatana qədər bölgəyə hücumlarını davam etdirəcəkləri mesajını verib.
O, hücumlardan qaçan fələstinlilərin Qəzzanın cənubuna sığındıqları Rəfah şəhərinə hücum planını təsdiqlədiklərini və mülki əhalinin bölgədən çıxarılması planını da tezliklə təsdiqləyəcəklərini bildirib.
