Sualtı xətlərdəki nasazlıqlar səbəbindən Afrikanın bir çox ölkəsində internet kəsilib
Bir çox Afrika ölkəsində dənizaltı internet xətlərindəki nasazlıqlar səbəbindən fasilələr yaranıb.
Afrikanın ən böyük şəbəkə provayderlərindən biri olan "MTN Group"un verdiyi açıqlamada bir çox ölkədə gün ərzində internet kəsilməsinin yaşandığı paylaşılıb.
Açıqlamada kəsintilərin dənizin altındakı xətlərdə yaranan qırılma və nasazlıqlardan qaynaqlandığı bildirilib, Fil Dişi Sahili, Liberiya, Benin, Qana, Burkina Faso, Namibiya və Lesoto kimi ölkələrdə internetin kəsildiyi qeyd edilib.
Açıqlamada daha əvvəl də fasilələrin yaşandığı diqqətə çatdırılıb və tədbir görülmədiyi təqdirdə son nasazlıqların gələcəkdə daha böyük fəsadlara səbəb ola biləcəyi ilə bağlı xəbərdarlıq edilib.
Qeyd edilib ki, zədələnmiş kabel şəbəkələrinə Qərbi Afrika Kabel Sistemi (WACS) və Avropaya qoşulan xətlər daxildir.
