Blinken ABŞ-ı Afrikanın təhlükəsizliyi üçün "Vaqner"ə alternativ olaraq təklif edir
ABŞ-ın dövlət katibi Antoni Blinken Qərbi Afrikada artan təhlükəsizlik problemlərinə görə Vaqneri məsuliyyətli tutaraq ABŞ-ın bu məsələdə əməkdaşlığa hazır olduğunu bildirib.
Afrika turu çərçivəsində Nigeriyada görüşlər keçirən Blinken mətbuata verdiyi açıqlamada ABŞ-ın regional təhlükəsizlik və sabitliyin təmin edilməsi üçün əməkdaşlığa hazır olduğu mesajını verib.
Blinken bildirib ki, Vaqner bəzi Afrika ölkələrinə təhlükəsizlik dəstəyi versə də, bu ölkələrdə təhlükəsizlik problemləri daha da artıb.
Afrikanın bəzi bölgələrində fəaliyyət göstərən Vaqnerin çevrilişdən sonra Nigerə hərbi dəstək vermək üçün addım atan ilk aktorlardan biri olduğunu ifadə edən Blinken, "İnsanların və qaynaqların Vaqner tərəfindən istismar edildiyini görürsünüz. Lakin ABŞ, biz təhlükəsizlik problemləri ilə mübarizənin effektiv yollarını tapmağa çalışan tərəfdaşlarımızı dəstəkləyirik" - deyə bildirib.
Blinken ABŞ-ın regional təhlükəsizlik üçün kəşfiyyat mübadiləsi və texniki təchizat dəstəyi kimi məsələlərdə əməkdaşlığa hazır olduğu mesajını verib və yerli xalqla yanaşı, vətəndaşların da təhlükəsizliyinə diqqət yetirdiklərini vurğulayıb.
Antoni Blinken qeyd edib ki, Afrika ölkələrində təhlükəsizlik qüvvələrinin ehtiyaclarını ödəmək üçün hərtərəfli yanaşma var.
Afrika səfəri çərçivəsində daha əvvəl Kabo Verde və Fil Dişi Sahilini ziyarət edən Blinken Nigeriyadan sonra Anqolaya gedəcək.
