ABŞ-da qar və çovğun həyata mənfi təsir edir
ABŞ-ın şimal bölgələrinə təsir edən qar və çovğun Milad və Yeni il həftələrində səyahətlərə mənfi təsir göstərir.
Milli Hava Xidməti (NWS) beş ştatda, xüsusilə Nebraska və Koloradoda qış havası xəbərdarlığı edib.
Bu bölgələrdə güclü qar və çovğun təhlükəsinə diqqət çəkən NWS, vətəndaşlara təcili olmadıqca yola çıxmamağı tövsiyə edib.
Nebraska ştatının polisi Milad günündən, dekabrın 25-dən bəri hava ilə bağlı 100-dən çox qəzaya reaksiya verdiyini bildirib.
Meteorologiya rəsmiləri ölkənin şimal-şərqində bu gecə və sabah güclü yağış yağacağı, Vaşinqton, Filadelfiya və Nyu-Yorkun bəzi bölgələrində qəfil daşqınların baş verə biləcəyi barədə xəbərdarlıq edib.
Ölkədəki uçuşları izləyən FlightAware saytı ötən gündən bəri ABŞ-da təxminən 4200 uçuşun pis hava şəraiti səbəbindən ləğv edildiyi və ya təxirə salındığı barədə məlumat paylaşıb.
