Peruda qızıl mədəninin çökməsi nəticəsində 7 nəfər ölüb
Cənubi Amerika ölkəsi Peruda qızıl mədənində baş verən çökmə nəticəsində 7 nəfərin həyatını itirdiyi bildirilib.
San Antonio de Putina əyalətinin La Rinconada şəhərində qızıl mədənində çökmə baş verib. Hadisə zamanı 7 mədənçi həyatını itirib.
Bölgədə axtarış-xilasetmə tədbirlərinin davam etdiyi bildirilib.
Dövlət Prokurorluğu partlayışla bağlı araşdırmalara başlanıldığını açıqlayıb. Yerli KİV-in məlumatına görə, qızıl mədəninin qanunsuz olduğu üzə çıxıb.
Qeyd edək ki, 2023-cü ildə Peruda baş verən mədən qəzalarında çoxlu sayda insan həlak olub.
