Yaponiyada yuxu siqnalı: 6 saatdan az yatmayın
Yaponiyada hökumət yuxusuzluqdan əziyyət çəkən yapon yaşlılara gecə ən azı 6 saat yatmağı tövsiyə edib.
Yaponiya Səhiyyə, Əmək və Rifah Nazirliyinin araşdırması göstərib ki, ölkə üzrə kişilərin 37,5 faizi və qadınların 40,6 faizi gündə orta hesabla 6 saatdan az yatır.
Bu həftə açıqlanan layihədə Nazirlik yuxu müddətini və keyfiyyətini yaxşılaşdırmaq üçün böyüklərə gecə ən azı 6 saat yatmağı tövsiyə edib.
Sözügedən hesabatda yuxu müddətləri "həyəcan verici" olaraq izah edilir və tövsiyə olunan yuxu müddəti yaş qruplarına görə dəyişir.
Buna uyğun olaraq, 1-2 yaşlı uşaqlar üçün 11-14 saat, 3-5 yaşlı uşaqlar üçün 10-13 saat, ibtidai sinif şagirdləri üçün 9-12 saat, yuxarı sinif şagirdləri və ali məktəb tələbələri üçün 8-10 saat yuxu tövsiyə olunur.
Nazirlik həftə ərzində ictimaiyyətlə paylaşılan hesabatı ilin sonuna kimi yekunlaşdıracaq.
OECD-nin 2021-ci ildə apardığı araşdırmada, Yaponiyada insanların orta hesabla 7 saat 22 dəqiqə yatdığı ortaya çıxıb. Bu göstərici 33 ölkə arasında ən qısa yuxu müddəti olub.
Mütəxəssislər gündə 6-8 saat yuxunun böyüklər üçün ideal olduğunu iddia edirlər, çünki depressiya, xərçəng və ürək döyüntüsü kimi xəstəliklər gündə 7 saat yatanlarda daha az müşahidə olunur.
