Afrikada çevriliş olan ölkələr sırasına Qabon da daxil oldu
Ordunun Qabonda hakimiyyəti ələ keçirdiyini açıqlamasından sonra hərbi müdaxilələrlə gündəmə gələn Afrikada son illərdə çoxlu çevrilişlər olub.
Ölkədə keçirilən mübahisəli seçkilərdən sonra Sudan, Çad, Mali, Burkina Faso və Niger ordunun hakimiyyəti ələ keçirdiyini açıqlayıb.
Sudanda 1989-cu ildə dövlət çevrilişi nəticəsində dövlətin sükanı arxasına keçən Ömər əl-Bəşir 2019-cu ilin aprelində hərbi müdaxilə ilə devrilmişdi.
Çevrilişdən sonra vətəndaş müharibəsinə sürüklənən ölkədə hələ də sabitlik əldə olunmayıb.
1960-cı ildə müstəqillik əldə etdikdən sonra bir çox hərbi çevrilişlərə şahidlik edən Burkina Fasoda ordu 2020-ci ilin sentyabrında ölkədəki təhlükəsizlik vəziyyətini əsas gətirərək hakimiyyəti ələ keçirib və kapitan İbrahim Traore ölkəyə liderlik edib.
Malidə 2020-ci ilin avqustunda İbrahim Baubacar Keytanın devrilməsi ilə hakimiyyətə gələn xunta, keçid prosesinin mülki qanadı əsas əsgərləri kabinetdən kənarlaşdırmaq istəməsindən sonra 2021-ci ilin mayında növbəti çevriliş edib.
Malinin qonşusu Qvineyada devrilmiş lider Alfa Kondenin Konstitusiyanı dəyişdirərək üçüncü dövr üçün prezidentliyə namizəd olması ölkədə çevrilişə aparan prosesin başlanğıcı olub.
82 yaşlı Konde 2020-ci ilin oktyabrında orta yaş həddi 18 olan Qvineyada 3-cü dəfə seçilərək hakimiyyətə gəlməyi bacarsa da, gücü onun təsəvvür etdiyi kimi olmadı. 6 sentyabr 2021-ci ildə Konde 2018-ci ildə formalaşdırdığı elit komandanın rəhbəri vəzifəsinə şəxsən təyin etdiyi podpolkovnik Mamady Doumbouya tərəfindən devrildi.
Nigerdə 2021-ci il seçkilərində qalib gələn prezident Məhəmməd Bazum iyulun 26-da özlərini “Vətənin Mühafizəsi üzrə Milli Şura” adlandıran bir qrup əsgər tərəfindən çevriliş nəticəsində devrildi.
Nəhayət, Qabonda həftəsonu keçirilən qalmaqallı seçkilərdən sonra bir qrup əsgər onları hakimiyyətə gətirdiklərini, seçkilərin ləğv edildiyini və ölkə sərhədlərinin bağlandığını açıqlayıb.
2019-cu ildə Qabonda da dövlət çevrilişinə cəhd olub.
Afrikadakı çevriliş silsiləsinin son dayanacağı Qabonda 2019-cu ildə də çevriliş cəhdi olub. Afrikanın sabit ölkələrindən biri olaraq görülən Qabonda prezident Əli Bonqo xaricdə olarkən leytenant Kelli Ondo Obianqın rəhbərlik etdiyi bəzi əsgərlər 7 yanvar 2019-cu ildə milli radioda bəyanat oxudu.
Üsyançı əsgərlər Qabon Milli Jandarma Cavab Bölməsi tərəfindən əsir götürülüb.
